LANDSÁTAKIÐ „ Söfnum og sáum birkifræi„ 2024

Eins og við flest vitum þá eru umhverfismál eitt af fimm megin áherslumálum Lions. Núna er að hefjast birkifræsöfnun í samstarfi við Skógræktina, Landgræðsluna og fleiri aðila.

LANDSÁTAKIÐ „ Söfnum og sáum birkifræi„ hefst formlega á degi íslenskrar náttúru 16. september í Eyjafirði þetta haustið.

Tilgangurinn með verkefninu er að efla útbreiðslu birkiskóga, meðal annars með því að virkja almenning til söfnunar og dreifingar birkifræs en einnig að veita fræðslu til félagasamtaka, skóla, fyrirtækja og stofnana um vernd og endurheimt birkiskóga.

Það sé töluvert fræ á trjám víðast hvar á landinu. Á höfuðborgarsvæðinu er fræ að ná þroska og því tími til kominn að huga að fræjum. Ekkert er því þó til fyrirstöðu að safna fræi fram eftir vetri en flest ár hangir fræ á trjám fram undir jól, segir Kristinn H. Þorsteinsson framkvæmdarstjóri www.skogkop.is

Nánari upplýsingar um viðburðinn í Eyjafirði er að finna á eftirfarandi slóð:  https://island.is/s/land-og-skogur/frett/birkifraesoefnun-thjodarinnar-fram-undan

Hægt er að fá pappaöskjur til að tína hjá öllum, Olís-stöðvum og Bónus-verslunum og þangað má einnig skila af sér í þar til gerða söfnunarkassa.

Verkefnið er spennandi kostur og viljum við hvetja klúbba til að taka þátt í því. Nokkrir klúbbar hafa nú þegar tekið ákvörðun um að taka þátt en það væri styrkur fyrir hreyfinguna að söfnunin yrði um land allt strax í haust. Verkefnið er líka kjörið til að hvetja almenning til þátttöku með okkur.

Allir Lionsfélagar eiga að hafa fengið tölvupóst um verkefnið.

Með kærri kveðju frá umhverfisnefnd Lions.