Á fundi Lionsklúbbs Akraness þann 20. mars s.l. var Gunnar Elíasson gerður að ævifélaga klúbbsins. Gunnar gekk til liðs við Lionsklúbb Akraness 11. nóvember 1958. Hann hefur allt frá inngöngu í klúbbinn verið öflugur og starfssamur félagi. Tvisvar sinnum hefur hann verið meðstjórnandi, ritari var hann stafsárið 1979-1980 og formaður 1980-1981. Hann var svæðisstjóri starfsárið 1981-1982, Lionessufulltrúi í umdæmi 109B 1986-1987. Auk þessa hefur Gunnar verið formaður í fjölda nefnda og nefndarmaður. Hann var útnefndur Melvin Jones félagi af klúbbnum 30. apríl 1991.
