Lionsklúbbur Þorlákshafnar

Lionsklúbbur Þorlákshafnar var stofnaður 27. maí 1975.

Aðalsmerki klúbbins eru jarð- og trjárækt við Skýjaborgir sem er óþrjótandi verkefni og aukast landgæði með hverju ári. Á síðast liðnu vori var plantað út nokkur hundruð trjáplöntum og borið á allt svæðið. Félagar í Lionsklúbbi Þorlákshafnar voru frumkvöðlar í notkun lúpínu við uppgræðslu á söndunum við Þorlákshöfn.

Önnur samfélagsverkefni sem unnið er að utan líknarmála eru vegahreinsun á vorin, jólasveinaaðstoð á aðfangadag og aðstoð við þrettándabrennu.  Einnig veitir klúbburinn viðurkenningar fyrir góðan námsárangur tíundu bekkinga í Grunnskóla Þorlákshafnar.

Klúbburinn hefur lagt samfélaginu lið með ýmsum hætti í gegnum árin bæði með fjárframlögum og vinnuframlagi. 

Félagar í Lionsklúbbi Þorlákshafnar hafa tekið virkan þátt í umdæmisstjórnum Lions á Íslandi.

Fundir eru haldnir öllu jafna í Kiwanishúsinu, annan og fjórða hvern þriðjudag og hefjast klukkan 20:00.

Fróðlegt er að skoða vef klúbbsins en fyrir utan fréttir má sjá fundargerðir og fleira.

Vefur: http://e-clubhouse.org/sites/thorlakshafnar/index.php 

Netfang Lionsklúbbs Þorlákshafnar er: lions.thorlakshafnar@gmail.com