Nýr Lionsklúbbur á Suðurlandi

Í gærkvöld var að stofnaður nýr Lionsklúbbur á veitingastaðnum Hestakránni á Skeiðum.  Á stofnfundi klúbbsins fór fram kosning um nafn hans og hlaut nafnið Lionsklúbburinn Dynkur kosningu.  Stofnfélagar eru 34 og er það stórkostlegt afrek á svæði sem aðeins telur um 600 manns og á þessu svæði eru starfandi tveir kórar, öflugt hestamannafélag og er þess vegna mikil samkeppni um tíma manna.

Aðal hvatamaður að stofnun klúbbsins er Kristófer Á Tómasson fyrrum umdæmisstjóri í umdæmi 109 A og verður klúbbur Kristófers Lkl. Geysir móðurklúbbur hins nýja klúbbs.  Stofnun þessa klúbbs sannar að víða er hægt að vinna að fjölgun í Lions, með vinnusemi og þrautseigju.

Á næstu dögum verða sagðar fleiri fréttir af klúbbnum og birtar myndir frá kvöldinu.