Lionsklúbburinn Eðna færði sjúkrahúsinu tæki til kviðsjáraðgerða að gjöf

Í gærkvöldi afhentu félagar í Lionsklúbbnum Eðnu á Akranesi forstöðumönnum Heilbrigðisstofnunar Vesturlands að gjöf Endo-Eye tæki sem ætlað er til notkunar við kviðsjáraðgerðir á skurðdeild. Lionsklúbburinn Eðna hefur um árabil látið gott af sér leiða á Akranesi og er gjöf þessi til HVE hluti af þeirri viðleitni klúbbsins að styðja við heilbrigðisþjónustu í heimabyggð. Það voru þau Kristjana Kristjánsdóttir hjúkrunardeildarstjóri og Fritz H. Berndsen yfirlæknir sem veittu gjöfinni viðtöku úr hendi Svanhildar Thorstensen fulltrúa Lionsklúbbsins Eðnu.

Sjá Vísir.is >>>>>>>

Sjá á vef Heilbrigðisstofnunar Vesturlands >>>>>