Lkl. Ólafsvíkur gaf 3G sendi fyrir hjartastuðtæki

Heilsugæslustöðinni í Ólafsvík  var færð góð gjöf á dögunum, það var Lionsklúbbur Ólafsvíkur sem færði þeim 3G sendi fyrir Lifepak hjartastuðtæki og verður  búnaðurinn staðsettur í sjúkrabíl Heilbrigðisstofnunar Vesturlands í Ólafsvík. Með þessu tæki er hægt að senda allt að 12 hjartalínurit í einu beint á sjúkrahúsið. Getur skipt sköpum að upplýsingarnar hafi borist sjúkrahúsinu þegar sjúklingurinn kemur.

Á myndinni eru Gústaf Geir Egilsson og Snævar Örn Snævarsson frá Lionsklúbbnum og Þórarinn Steingrímsson, Guðbjörn Ásgeirsson og Þór Magnússon sjúkraflutningamenn. Ljósmyndari er Þröstur Albertsson.