Lokafundur Lkl. Laugardals

Lokafundur Lkl. Laugardals var haldinn föstudaginn 3. júní á Trésmíðaverkstæði Tómasar Tryggvasonar. Eftir stuttan innifund var klúbbfélögum skipt í fjóra hópa og fékk hver hópur sitt verkefni. Þau fólust í því að sinna uppgræðslu, dreifa kurli í göngustíg og áburði á viðeigandi stöðum. Eftir að þessu var lokið var aftur safnast saman á funarstaðnum og sest að veitingum, rúgbrauði með reyktum silungi og flatkökum með hangikjöti. Tókst þessi gróðurfundur vel þar sem vel var mætt og segja má að margar hendur vinni fislétt verk.